Almatyda «Mersedes» jol ústinde aýdaryldy: eki adam zardap shekti
ALMATY. QazAqparat - Almatyda «Mersedes» kóligi jol apatyna ushyrap, eki adam zardap shekti, dep habarlaıdy QazAqparat tilshis oqıǵa ornynan.
Jol-kólik apaty Rysqulov kóshesiniń Qulja kúre jolymen qıylysar tusynda boldy. «Mersedes» júrgizýshisiniń aıtýynsha, ol Rysqulov kóshesimen shyǵys baǵytqa ketip bara jatqan.
«Joldyń ortasynda kele jatyr edim, kenet oń jaqtan bir kólik shyǵyp, dereý solǵa buryldy. Onymen soqtyǵysýdan qashyp, birden solǵa burdym, syrǵanap baryp aǵashqa soǵyldym», - dedi júrgizýshi.
Aǵashqa soǵylǵan «Mersedes» ekpinmen baryp jol ústinde aýdarylyp qalǵan. Oqıǵadan eki adam zardap shekti: júrgizýshi men onyń áıeli. Jedel járdem áıel jolaýshyny aýrýhanaǵa alyp ketti. Júrgizýshi medıtsınalyq kómekten bas tartty.
Polıtsııa oqıǵanyń mán-jaıyn anyqtaýǵa kiristi.
