Almatyda merekelik bezendirýge 175 mln teńge jumsalady
ALMATY. QazAqparat - Almatyda qos mereke aldyndaǵy bezendirý jumystaryna 175 mln teńge jumsalady, dep habarlaıdy QazAqparat tilshisi.
Bıyl qalalyq Mádenıet jáne arhıv basqarmasyna QR Táýelsizdigi kúni jáne Jańa jyl merekesi aldyndaǵy bezendirý jumystaryna 175 mln teńge bólinip otyr. Byltyr bul soma 215 mln teńgeni quraǵan bolatyn.
«Bıyl tek basty kósheler ǵana emes, 8 aýdandaǵy kóshelerdiń barlyǵy árlenedi. Qaladaǵy uzyndyǵy 260 km bolatyn barlyq kópirler men jol aıyryqtarynda gırlıandalar, ıllıýmınatsııalar, barlyǵy 6800 element ilinedi, sondaı-aq shaǵyn arhıtektýralyq músinder men kronshteınder ornatylady. Bulardyń barlyǵy kelesi jyly da paıdalanylatyn bolady. Odan bólek ár aýdannyń ákimdikteri shyrsha ornatyp, balalarǵa merekelik sharalar ótkizedi», - dedi qalalyq Mádenıet basqarmasynan.
Qalada 18 jeltoqsannan keıin Respýblıka saraıy, Abaı atyndaǵy opera jáne balet teatry, QR Tuńǵysh Prezıdenti parki, Almaty arena saraıy mańynda 15 shyrsha ornatylady.
Buǵan deıin habarlaǵanymyzdaı, Almatyda bas shyrshanyń shamdaryn 18 jeltoqsan kúni jaǵý josparlanǵan.
