Almatyda merekelerdi uıymdastyratyn keńse men turǵyn úı órtendi
ALMATY. QazAqparat - Almatyda merekelik is-sharalardy uıymdastyratyn keńse men turǵyn úı órtendi, dep habarlaıdy QazAqparat tilshisi.
Qalalyq TJD resmı ókili Sandýǵash Baımuhambetovanyń aıtýynsha, «101» nómirine tańǵy 10:09-da Muqanov kóshesi, 152 mekenjaıynda ornalasqan jer úıdiń órtenip jatqany týraly habarlama túsken.
«Alǵashqy órt sóndirý jasaǵy oqıǵa ornyna 5 mınýttan keıin, 10:24-te jetti. Ol kezde bir qabatty ǵımarattyń shatyry janyp, opyrylyp qulap úlgergen. Jalyn jaqyn ornalasqan jekemenshik turǵyn úıdiń shatyryna aýysqan», - dedi TJD-nyń resmı ókili.
Tilsiz jaý shamamen 300 sharshy metr aýmaqty sharpydy. Onymen kúres barysynda saltanatty sharalar men merekelerdi uıymdastyrýmen aınalysatyn «Shar dızaın» JShS ǵımaratynan 37 gellıı ballony (bos), jer úıden kólemi 27 lıtrlik 4 gaz ballony shyǵaryldy.
Jalyn 11:14-te aýyzdyqtaldy. Onyń shyǵý sebebi anyqtalýda. Zardap shekkender joq.
