Almatyda merekede gúl satqandar artyna toltyryp qoqys tastap ketken
ALMATY. QazAqparat - Áleýmettik jelide gúl satýshylar tastap ketken qoqystyń vıdeosy tarady, dep habarlaıdy QazAqparat tilshisi.
«8 naýryz kúni Domillion saýda ortalyǵyna qarama-qarsy jolda gúl satyldy. Biraq sodan keıin satýshylar bárin, búkil qoqysyn jınamaı, tastap ketti. Olardyń qoqysyn kim tazalaıdy? Bul ne sumdyq?» dep jazady jeli qoldanýshylary.
Bul jaǵdaıǵa Alataý aýdany ákiminiń apparaty túsinik berdi.
«Qalanyń kásipkerlik jáne ınvestıtsııa basqarmasy jabaıy saýda oryndaryn boldyrmaý maqsatynda 2023 jyldyń 6,7 jáne 8 naýryzynda Halyqaralyq áıelder kúnin merekeleý kezinde ýaqytsha saýda oryndaryn bekitti. 9 naýryzda ýaqytsha saýda oryndary tazalanyp, atalǵan máseleler joıyldy. Basqarma almatylyqtardy qoqys tastamaýǵa, qalany taza ustaýǵa shaqyrady», - delingen ákimdik habarlamasynda.
