Almatyda mereke kúnderi qandaı mádenı sharalar ótedi
ALMATY. QazAqparat- Sanıtarlyq normalardy saqtaý jáne koronavırýs ınfektsııasynyń ósýine jol bermeý maqsatynda Astana kúnine arnalǵan negizgi sharalar onlaın formatta ótedi, dep habarlaıdy QazAqparat tilshisi.
Mádenıet basqarmasynyń málimetinshe, karantınge baılanysty keıbir negizgi sharalar onlaın rejıminde ótedi. Sonymen qatar, Almatyda merekelik otshashý bolmaıdy.
2 shilde kúni Almaty mýzeıinde «Altyn qazyq – Astana» kórmesi (offlaın/onlaın) formatta ótedi. Kórmeniń maqsaty: Almatylyqtar men qala qonaqtaryn Elorda qurylysy tarıhynyń jekelegen sátterimen tanystyrý, tek óz salasynda tanymal mamandar esimi men eńbegin halyqqa pash etý, zamanaýı qazaqstandyq sáýlet ónerin nasıhattaýǵa úles qosý.
Kórmede Nur-Sultan qalasy úshin jasalǵan biregeı nysandardyń ıdeıasy týyndaǵan sátten júzege asyrylǵanǵa deıingi kezeńderi grafıkalyq formatta usynylady.
Sonymen qatar, 5 shilde kúni D.A. Qonaev mýzeıi «El júregi – Elorda» taqyrybynda fotokórme (onlaın) uıymdastyrady. Shara barysynda mýzeı qoryndaǵy elordamyz jaıly fotosýretter men kitaptar kelýshiler nazaryna usynylady. Maqsaty: elordamyzdyń qalyptasý tarıhyn jas urpaqqa foto-qujat arqyly nasıhattaý, Nur-Sultan qalasynyń kórikti jerlerin tanystyrý aqyly qala tynysyn keńinen sezindirý.
5-shilde saǵat 18-30 da «Alataý» dástúrli óner teatry» Elorda kúnine oraı «Ertegidegideı Elorda» atty keshpen tetrdyń 4 – maýsymynyń shymyldyǵyn jabady.
Keshte dástúrli ándermen qatar umyt bolyp bara jatqan, kóne dástúrli án-jyrlar da oryndalady. Teatrdyń tolyq shyǵarmashylyq toby (70 ke jýyq artıst) óner kórsetedi. Sondaı – aq, bul keshte dástúrli án mektebiniń beseýi de qamtylmaq. Alataý folklorlyq ansambli men myń buralǵan bıshiler keshtiń sánin odan ári árlendire túsepek.
6 shilde - S. Muqanov pen Ǵ. Músirepovtiń ádebı-memorıaldyq mýzeı kesheni «Astana ajary» kórmesi (onlaın) ótkizedi. Ol jerde Elordanyń sımvoly, astanany aýystyrý týraly QR prezıdentiniń jarlyǵy, onyń mártebesi týraly QR Zańy, Astana qalasynyń qazirgi kelbetimen, jetistikterimen tanysýǵa bolady.
Sharanyń maqsaty- elimizge degen súıispenshilik pen qurmetti nyǵaıtý, Qazaqstannyń túrli saladaǵy jetistikterine maqtanyshyn jáne jeke tabystarǵa jetýge degen nıetin qalyptastyrý.
6 shilde kúni Mýltımedııalyq dástúrli mýzyka ortalyǵynda «El tiregi – Elorda» (onlaın) formatta semınar ótedi. Jıynda Nur-Sultan qalasynyń tarıhy, mádenıeti, damýy joly baıandalady. QR Tuńǵysh prezıdenti Elbasy Nursultan Nazarbaevtyń eńbek joly kórsetiledi.
6 shilde saǵat 12.00, 14.00 halyq ertegisi «Er Tóstik» (rej.: E.Qabdyl) qoıylymynyń premerasy (offlaın ) kórsetiledi.
6 shilde saǵat 18.00 «Arman álemi» ertegisi – Qazaq radıosynan merekelik radıospektakl (onlaın)
5-8 shilde aralyǵynda ortalyqtandyrylǵan kitaphanalar júıesinde Elorda kúnine oraı kóptegen taqyryptyq kitap kórmeleri uıymdastyrylady.
Qazaq memlekettik tsırkinde 3 shilde men 15 tamyz aralyǵynda tsırk artısi, aty ańyzǵa aınalǵan qazaq balýany Qajymuqan Muńaıtpasovtyń 150 jyldyǵyna arnalǵan «HELLO CIRCUS» atty jańa baǵdarlamasy ótedi.
Al 5 shilde Elorda kúnine oraı Qazaq memlekettik tsırki múmkindigi shekteýli balalarǵa, balalar úıiniń tárbıelenýshilerine, ınternattar men az qamtylǵan otbasylardyń balalaryna qaıyrymdylyq qoıylymyn ótkizedi.
