Almatyda mereke kúnderi azyq-túlik arzan baǵada satylady

ALMATY. QazAqparat – Aldaǵy mereke kúnderi qarsańynda almatylyqtar et pen kókónisterdi tómen baǵada satyp ala alady, dep habarlaıdy QazAqparat tilshisi.

Tómen baǵadaǵy azyq-túlik ónimderi demalys kúnderi ótetin jármeńkeler men qaladaǵy áleýmettik kásipkerlik korporatsııasynyń 8 azyq-túlik ortalyǵynda satylady.

«Belgilengen qun boıynsha áleýmettik mańyzy bar azyq-túlik taýarlarynyń 6 túri usynylǵan: taýyq eti, sıyr eti, kartop, pııaz, sábiz jáne qyryqqabat. Atalǵan ónim naryqtaǵy ortasha baǵadan 15-40%-ǵa arzan» delingen ákimdik habarlamasynda.

Sonymen qatar, saýda sórelerinde jylyjaıda ósirilgen qyzanaq pen qııar da bolady.

«Jyl sońyna deıin ónimdi tómendetilgen baǵamen satatyn pavılondar sany 22-ge deıin artady. Oǵan qosymsha aýyl sharýashylyǵy taýarlaryn óndirýshiler men óńirlerdiń qus fabrıkalary, sondaı-aq qalanyń jylyjaı kesheni tartyldy»,-dep qosty ákimdik.

Demalys kúnderi ótetin jármeńkelerdiń mekenjaıy:

1. Almaly aýdany, Gogol-Masanchı k-si qıylysy;

2. Bostandyq aýdany, «Qazaqfılm», Jarokov kóshesi-ál-Farabı dańǵylynan joǵary;

3. Áýezov aýdany, Abaı - Ótegen batyr k-si qıylysy;

4. Jetisý aýdany, «Qulager», Serikov pen Qazybaev kóshesi.

Jumys ýaqyty: 8.00-19.00 aralyǵynda.

Azyq-túlik pavılondarynyń mekenjaıy:

1. Tóle bı-Saın kóshesi;

2. Shalıapın-Altynsarın kóshesi;

3. Abaı-Altynsarın dańǵyly;

4. Myńbaev kóshesi-6 jeli;

5. Abaı-Momyshuly dańǵyly;

6. Abaı dańǵyly-Saın;

7. Tóle bı-Fýrkat kóshesi;

8. «Qulager» yqshamaýdany.

Jumys ýaqyty: 9.00-21.00 aralyǵynda.