Almatyda mereke kezinde adasyp qalǵan 15 bala ata-anasyna tapsyryldy
ALMATY. QazAqparat - Almaty qalasynyń tótenshe jaǵdaılar departamentiniń qyzmetkerleri mereke kezinde adasyp qalǵan 15 balany ata-anasyna tabystady, dep habarlaıdy QazAqparat.
1 maýsym kúni TJ departamenti «Qaýipsiz jaz» aktsııasyn bastady.
Medeý aýdanyndaǵy ortalyq saıabaq pen Almaly aýdanyndaǵy Qutqarýshylar skverinde «Qaýipsizdik buryshy» ashylyp, jas almatylyqtar mototsıkletti ekıpajdar jáne qutqarý tehnıkasymen tanysty.
Oqýshylar úshin volonterlermen fleshmobtar ótkizildi. Kópshilik jınalǵan oryn qarbalasqa toly boldy.
Merekelik shara barysynda órt sóndirýshilerge ata-anasynan adasyp qalǵan balalarǵa da kómektesýge týra keldi.
Medeý aýdandyq TJB ınspektorlary men órt sóndipýshileri órt tehnıkasyndaǵy daýys zoraıtqysh arqyly ata-anasynan adasyp qalǵan balalar týraly habarlady.
Ofıtser formasy arqyly ata-analar balasyn kópshiliktiń arasynan tez taýyp aldy.
2 saǵattyń ishinde 5 jas pen 8 jas aralyǵyndaǵy 15 bala ata-anasyna tabystaldy.
