Almatyda menshik ıeleriniń birlestikterin qurý boıynsha aqparattyq ortalyq ashyldy
ALMATY. QazAqparat - Almatyda «Alseko» aktsıonerlik qoǵamy QR IIDM Qurylys jáne turǵyn úı-kommýnaldyq sharýashylyq isteri komıtetiniń qoldaýymen arnaıy aqparattyq ortalyqty iske qosty, dep habarlaıdy QazAqparat tilshisi.
QR Indýstrııa ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdoldyń aıtýynsha, atalǵan ortalyq Menshik ıeleriniń birlestikteri, qarapaıym seriktestik jáne páter ıeleri kooperatıvteri tóraǵalaryna olardyń qyzmetine qatysty máseleler boıynsha, sondaı-aq tutynýshylarǵa aqparattyq jáne konsýltatsııalyq qoldaý kórsetedi.
«Tsıfrlyq ekojúıe shaǵymdar men ótinishterdi jiberý múmkindigi esebinen turǵyn úı-kommýnaldyq sharýashylyq salasyndaǵy qyzmetterdiń sapasyn arttyrýǵa múmkindik beredi. Menshik ıeleri aqparattandyrý obektileri arqyly úıdi basqarýǵa qatysa alady, sondaı-aq úıdegi barlyq jumys boıynsha ashyq derekterge qol jetkize alady», - dep atap ótti QR Indýstrııa ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq ister komıteti tóraǵasynyń orynbasary Baýyrjan Qabdol.
Buǵan deıin komıtet tóraǵasynyń orynbasary, eldegi kóppáterli úılerdiń 90 paıyzdan astamy basqarýdyń jańa formasyna kóshkeni týraly aıtqan bolatyn.
