Almatyda menıngokokkty ınfektsııa, toksokarozlıamblıoz, bezgek aýrýlary tirkeldi

ALMATY. QazAqparat - Almatyda menıngokokkty ınfektsııa, toksokarozlıamblıoz, bezgek aýrýlary tirkeldi. Bul týraly Óńirlik kommýnıkatsııalar qyzmetinde ótken brıfıngte Almaty qalasynyń sanıtarlyq-epıdemıologııalyq baqylaý departamentiniń basshysy Qasymhan Alpysbaıuly aıtty, dep habarlaıdy QazAqparat tilshisi.

Spıkerdiń sózinshe, qalada menıngokokkty ınfektsııa, toksokarozlıamblıoz, syrttan ákelingen bezgek jaǵdaılary (Ońtúsik Afrıkadan), jáne tumaýdyń úsh jaǵdaıy tirkelgen.

«Megapolıste tamaqtan ýlaný, botýlızm, lısterıoz, serozdy menıngıt, A vırýsty gepatıti, jiti V vırýsty gepatıti boıynsha syrqattanýdyń óskeni baıqalady. Densaýlyq saqtaý uıymdarymen birlesip barlyq ınfektsııa jáne parazıttik aýrý oshaqtarynda epıdemııaǵa qarsy sharalar ýaqtyly júrgizildi», - dep atap ótti Qasymhan Alpysbaıuly.

Departament basshysynyń aıtýynsha, Almatyda 50-den astam qaýipti aýrýlar tirkelmegen, onyń ishinde tyrysqaq, oba, sibir jarasy, gemorragııalyq qyzba, dıfterııa, qyzylsha, qyzamyq, sirespe jáne taǵy basqalary.

«Bul jaǵdaı epıdemıologtardyń baqylaýynda, bir qýantatyny, bul ınfektsııalar megapolıste taralmaǵan. Nozologııalyq syrqattanýdyń 5 túri, sonyń ishinde etıologııasy anyqtalǵan jiti ishek ınfektsııasy, rotavırýsty ınfektsııa, anyqtalǵan koronovırýstyq ınfektsııa, anyqtalmaǵan koronovırýs ınfektsııasy boıynsha syrqattaný deńgeıiniń tómendeýi baıqalady»,- dedi ol.