Almatyda menıngokokk ınfektsııasynyń órshýi: Vıtse-mınıstr tekserýge keldi
ALMATY. QazAqparat - Densaýlyq saqtaý vıtse-mınıstri Lázzat Aqtaeva elimizdiń bas sanıtarlyq dárigeri Jandarbek Bekshınmen birge Almatydaǵy balalar juqpaly aýrýlar aýrýhanasyna menıngokokk ınfektsııasynyń órshý oqıǵasyn tekserýmen keldi, dep habarlaıdy QazAqparat tilshisi.
Qalalyq balalar juqpaly aýrýlar aýrýhanasynyń bas dárigeri Erdan Seralınniń deregi boıynsha, olarǵa kún saıyn 300 naýqas keledi. Menıngokokk ınfektsııasynyń órshigeni týraly habarlamadan keıin, bul kórsetkish 500 balaǵa deıin jetken. Olardyń 20% aýrýhanaǵa jatqyzyldy.
«Bizdiń klınıka 360 orynǵa arnalǵan. Qazirgi tańda bizde 328 naýqas emdelip jatyr. Negizinen, balalardyń kóbi ótkir vırýstyq ınfektsııany juqtyrǵan. Sondaı-aq, ishek ınfektsııasy jaǵdaılary da bar. Menıngokok ınfektsııasymen 4 bala tústi. Ekeýiniń jaǵdaıy turaqty. Olar arnaıy bólimde jatyr. Bir qyzdy budan buryn aýrýhanadan shyǵardyq. Taǵy bir jaǵdaı ólimmen aıaqtaldy. Balalar arasynda ınfektsııanyń órshýi baıqalǵan joq. Kóbisi ORVI boıynsha shaǵymdandy», - dedi E. Seralın Densaýlyq saqtaý mınıstrliginiń delegattaryna.
Sondaı-aq, bas dáriger aýrýhanada uıyma jáne iriń menıngıtine shaldyqqan naýqastardyń jatqanyn atap ótti.
«Qazirgi tańda bizde kúrdeli menıngıtke shaldyqqan 15 bala jáne irińdi túrimen aýyrǵan 12 bala jatyr. Báriniń jaǵdaıy turaqty, tek bireýi jansaqtaý bóliminde. Bul aýrýlar menıngokok ınfektsııasyna eshqandaı qatysy joq. Barlyǵy balalarynyń menıngokok ınfektsııasyna shaldyqty dep oılap, dúrbeleń týǵyzýda. Eń basty kezekte kenetten qyzý kóterilýge mán berý kerek, eger murny aǵyp, aıaqtary aýyrsa, denesinde álsizdik bolsa jáne bórtpe bassa, jedel járdem shaqyrý kerek. Sol kezde ǵana balany qutqaryp qalýǵa bolady. Qalǵan barlyq jaǵdaıda, dánekersizdendirý jáne vırýsqa qarsy terapııa qoldanylady», - dedi bas dáriger.
Budan buryn dárigerler menıngokokk ınfektsııasynan tórt adamnyń: úsh eresek pen kishkentaı balanyń kóz jumǵany týraly habarlaǵan bolatyn.
