Almatyda menıngıtke baılanysty lagerlerge barý keıinge qaldyryldy
ALMATY. QazAqparat - Almatyda menıngokokk juqpasynyń órshýine baılanysty jazǵy saýyqtyrý jáne mektepishilik lagerlerge barý keıinge qaldyryldy. Bul týraly qalalyq Qoǵamdyq densaýlyqtyń saqtaý departamentiniń baspasóz qyzmeti málim etti, dep habarlaıdy QazAqparat.
Departament qubylmaly epıdemıologııalyq ahýalǵa baılanysty arnaıy qaýly shyǵardy.
2018 jyldyń 28 mamyrynda shyqqan №4 qaýlyda qaladaǵy barlyq saýyqtyrý lagerleriniń dırektorlaryna jáne bilim basqarmasynyń basshylyǵyna birqatar nuqsaýlyq berilgen.
«Mektepishilik jáne jazǵy saýyqtyrý lagerleri 18 maýsymǵa deıin shegerilsin. Bilim berý mekemelerine balalar densaýlyǵy qalypty ekendigin kýálandyratyn qujatpen ǵana qabyldansyn. Al qyzmetkerler jumys isteýge densaýlyǵy jaramdy ekenin dáleldeıtin qujatpen kirgizilsin. Balalardyń barlyǵy tańerteń tekserilsin. Kúdik týǵyzǵan balalar bolsa, tez arada epıdemıologııalyq qyzmetterge tapsyrylsyn», - delingen qaýlyda.
Aıta keter bolsaq, Almatyda sońǵy 2 aptada dərigerlerge 57 adam júgingen. Onyń 29-ynda dıagnoz rastaldy. Menıngokokk juqpasynan tórt adam qaıtys boldy. Olar: er adam, áıel adam, bir stýdent jáne 5 jasar bala.
Almaty oblysynda 2 adam kóz jumǵan. Olardyń bireýi - 3 jastaǵy bala bolsa, ekinshisi - 22 jastaǵy er adam.
