Almatyda «Meniń elim» festıvali ótýde

ALMATY. Mamyrdyń 1-i. QazAqparat / Ádilet Musahaev / - Almatyda jasóspirimder arasynda Qazaqstan halqynyń birligi kúni men 1941-1945 jj. UOS Jeńisiniń 65 jyldyǵyna arnalǵan «Meniń elim» festıvali ótýde,

dep habarlaıdy QazAqparat.

«Bul sharanyń negizgi maqsaty - jastardyń shoǵyrlanýy men biryńǵaı ulttyq ana-sezimdi nyǵaıtý, ulttyq saıasatty damytýdy jalǵastyrý, ulttyq erekshelik pen mádenıetti damytý jáne azamattyq beıbitshilik pen ultaralyq kelisimdi nyǵaıta túsý», deıdi Almaty qalasy Jastar saıasaty basqarmasynyń dırektory Dáýren Muhamedjanov.

Shara aıasynda únparaqtar baıqaýy, asfalttaǵy sýret, ulttyq bıler, shyǵarmalar baıqaýlary men sporttyń halyqtyq-ulttyq túrlerinen jarystar ótkizilýde.

Almaty qalasy Jastar saıasaty basqarmasynyń qoldaýymen qaladaǵy Jastar saıasatyn damytý memlekettik qorynyń uıymdastyrýymen ótip otyrǵan atalmysh shara qalanyń jeti aýdany boıynsha júrgizilýde.