Almatyda menıgokokk juqpasynan taǵy bir bala kóz jumdy
ALMATY. QazAqparat - Almatyda menıgokokk juqpasynan 4 jasar bala kóz jumdy, dep habarlaıdy QazAqparat tilshisi.
Qaıǵyly oqıǵa jumadan senbige qaraǵan túni bolǵan.
«4 jastaǵy bala menıngıttiń tez asqynatyn túrinen qaıtty. Juma kúni keshke aýrýhanaǵa óte aýyr jaǵdaıda jetkizildi. Birneshe saǵat ishinde dárigerler bar sharalardy qoldandy. Biraq ony aman alyp qalý múmkin bolmady», - dedi qalalyq Qoǵamdyq densaýlyqtyń qorǵaý depratamentiniń basshysy Aızat Moldaqasymova.
Onyń aıtýynsha, búginde Almatyda 32 adamda menıgokokk juqpasy bolǵany anyqtalǵan. Onyń 25-i zerthanalyq taldaý arqyly rastalǵan. 5 adamǵa klınıkalyq dıagnoz qoıyldy.
Qaza bolǵandardyń sany 5-ke jetti. Onyń ishinde 5 jáne 4 jastaǵy balalar bar.
«Búginde almatylyqtarǵa antıbıotık terapııasymen profılaktıka jasaýǵa keńes beremiz. Bala juqtyrmasa da, aýyrmasa da antıbıotık qabyldaǵany durys», - dedi Aızat Moldaqasymova.
Aıta ketý kerek, Almaty oblysynda qaýipti dertten 2 adam kóz jumǵan bolatyn.
