Almatyda «Menedjerlerdi daıyndaý» ınnovatsııalyq baǵdarlamasynyń tanystyrylymy ótedi
ALMATY. Jeltoqsannyń 5-i. QazAqparat /Erbol Azanbek/ -Jeltoqsannyń 7-si kúni Almatydaǵy Qazaq menedjment jáne ekonomıkalyq boljam ınstıtýtynda «Eýrazııalyq bank» pen «Business Resource» medıa holdıngi daıyndaǵan «Menedjerlerdi daıyndaý» ınnovatsııalyq baǵdarlamasynyń tanystyrylymy ótedi,
dep habarlaıdy QazAqparat.
Baǵdarlamany jasaýshylardyń aıtýynsha, qazirgi tańdaǵy eń ózekti máseleniń biri joǵary oqý oryndary túlekterin jumysqa ornalastyrý. Eýrazııalyq bank osy máseleni sheshý úshin stýdentter arasynda arnaıy konkýrs uıymdastyrýdy usynǵan. Bul boıynsha eń úzdik stýdentter tańdalyp, bankte oqytylyp, jumys isteýge jiberilmek. Baǵdarlamany jasaýshylardyń aıtýynsha, bul baǵdarlama bank salasyndaǵy bolashaq bıznes-kóshbasshylardy, myqty menedjerlerdi daıyndaýda ózindik mektep bolyp qalyptasýdy kózdeıdi.
