12:25, 07 Aqpan 2013 | GMT +5
Almatyda «Men taýlyqpyn...» dep atalatyn poezııa keshi ótip jatyr
ALMATY. 7 aqpan. QazAqparat - Búgin Almatydaǵy Abaı atyndaǵy Qazaq ulttyq pedagogıkalyq ýnıversıtetinde Muqaǵalı Maqataevtyń týǵanyna 82 jyl tolýyna oraı «Men taýlyqpyn...» degen taqyryptaǵy poezııa keshi ótip jatyr.

«Bul shara artyna ólmes órnekterin, el kóńilinde, jurttyń júreginde jattalyp qalǵan aıshyqty óleńderin, móldir poezııasyn qaldyrǵan qazaq halqynyń aqıyq aqynyn ulyqtaýǵa arnalyp otyr. Oǵan ýnıversıtet oqytýshylary men professorlary, stýdentteri jáne Temirbek Júrgenov atyndaǵy Qazaq ulttyq óner akademııasynyń professory, muqaǵalıtanýshy Shaıahmet Imashuly pen osy joǵary oqý ornynyń dotsenti, pýblıtsıst Qudııarbek Aǵybaev qatysýda», - deıdi ýnıversıtettiń baspa ortalyǵynyń bas mamany Álııa Asmaǵulova.
Onyń aıtýynsha, poezııa keshinde estelikter aıtylyp, Muqaǵalı shyǵarmashylyǵy ǵana sóz bolyp qalmaı, stýdent aqyndar da óz óleńderin oqýda.