Almatyda « Men sportty tańdaımyn» jármeńkesi ótti
ALMATY. Shildeniń 31-i. QazAqparat /Erbol Azanbek/- Búgin Almatyda «Kóshbasshylyq baǵdarlama-35 Qazaqstan» bastamashy tobynyń uıymdastyrýymen «Men sportty tańdaımyn» jármeńkesi ótti, dep habarlaıdy QazAqparat.
Atalǵan jobanyń maqsaty - sporttyq mádenıettiń damýyna úles qosý, jasóspirimderdiń sportqa qyzyǵýshylyǵyn arttyrý, salaýatty ómir saltyn nasıhattaý, oqýshylar arasynda talanttylardy anyqtaý, olardyń sportshy retinde qalyptasýyna yqpal jasaý.
Shara barysynda oqýshylar men olardyń ata-analary qalanyń sporttyq mekemeleriniń jumysymen tanystyryldy. Jobaǵa sporttyq mekemelerdiń 20 ókili men 500 mektep oqýshysy qatysty. Aktsııa sońynda kásibı sportshylardyń kórsetilimderi boldy.
