Almatyda «Men kásipkermin» jalpyqalalyq ekonomıkalyq iskerlik oıyny ótti
ALMATY. 28 aqpan. QazAqparat - Keshe Almatydaǵy Halyqaralyq bıznes akademııasy kolledjinde «Men kásipkermin» jalpyqalalyq ekonomıkalyq iskerlik oıyny uıymdastyryldy.
Qalalyq bilim berý basqarmasynyń Tehnıkalyq jáne kásibiı bilim berý ádistemelik kabınetiniń jetekshiligimen ótken bul saıys kolledj oqýshylaryna bıznes-jobalar jasaý men jeke isin ashýǵa qajetti daǵdylardy damytýǵa baǵyttaldy. Onda Qazaqstannyń ındýstrııalyq-ınnovatsııalyq údemeli damý baǵdarlamasyndaǵy basym baǵyttarǵa aıryqsha nazar aýdaryldy.
11 kolledjden qatysqan 11 komandanyń arasynan Almaty qarjy-quqyq jáne tehnologııalyq kolledji qaıtalama shıkizatty óńdeý jobasymen jeńimpaz dep tanyldy. 1-3 oryndy Halyqaralyq bıznes akademııasynyń kolledji, Almaty memlekettik energetıka jáne elektrondyq tehnologııalar kolledji men Turar Rysqulov atyndaǵy Qazaq ekonomıkalyq ýnıversıtetiniń ekonomıkalyq kolledji ózara bólisti. Onda baıqaý jeńimpazdary Almaty qalasy kolledjderi qaýymdastyǵynyń gramotalary jáne qarjylaı syılyqtarmen marapattaldy. Sondaı-aq Halyqaralyq bıznes akademııasy ózderine oqýǵa túsken jaǵdaıda jeńimpazdarǵa 10-15 paıyzdyq jeńildik beretin sertıfıkattar tabys etti.
