Almatyda memlekttik qurylystyń tájirıbesi týraly halyqaralyq konferentsııa ótedi

dep habarlaıdy QazAqparat.

Ony QRBilim jáne ǵylym mınıstrliginiń Fılosofııa jáne saıasattaný ınstıtýty Qazaqstandaǵy Prezıdenttik ınstıtýttyń 20 jyldyǵyna oraı uıymdastyryp otyr. Konferentsııa jumysyna Anglııa, Ázirbaıjan, Belarýs, Qyrǵyzstan, Reseı, Ózbekstan, Tájikstan, Túrkııa sııaqty alys-jaqyn shet elderden tanymal ǵalymdar men sarapshylar, sondaı-aq memlekettik, qoǵamdyq jáne saıası qaıratkerler qatyspaq. Sóz sóıleýshler arasynda QR Bilim jáne ǵylym mınıstri J. Túımebaev, Redıng ýnıversıtetiniń dekany E. Kolıýjnova (Ulybrıtanııa), Belarýs UǴA Fılosofııa ınstıtýtynyń dırektory A. Lazarevıch, RǴA SB jetekshi ǵylymı qyzmetkeri O. Nechıporenko (Reseı), Sorbonna ýnıversıtetindegi SEDIMES halyqaralyq ınstıtýtynyń prezıdenti Klod Albaglı (Frantsııa), QR UǴA akademıgi J.M. Ábdildın, QR Parlament depýtattary - A. Bıjanov, A. Bashmakov, Ǵ. Esim men K. Burhanov bar.

«Memlekettik bıliktiń tıimdi qyzmeti qazaqstandyq qoǵamnyń qaýipsizdigi men turaqtylyǵyn qamtamasyz etedi. Alaıda qoǵamnyń reformalar jolymen odan ári jyljýy eldiń áleýmettik-saıası jańarýynyń jańa kezeńin jáne geosaıası ahýaldy eskere otyryp memlekettik qurylys úrdisterin, prezıdenttik ınstıtýtty ǵylymı zertteýdi ózektilendirýde. Bul konferentsııa memlekettiliktiń damýynyń mańyzdy baǵyttarynda, odan ary ındýstrııaldy-ınnovatsııalyq jáne ornyqty damý barysynda eldiń aldynan shyqqan máselelerdi keshendi túrde paıymdaýǵa baǵdarlanady. Konferentsııaǵa qatysýshylarǵa jańa táýelsiz memleketterdegi basqarýdyń prezıdenttik formasy ınstıtýtynyń, demokratııanyń qalyptasýy men damýynyń asa mańyzdy máselelerin talqylaýǵa, alys-jaqyn shet elderdegi prezıdenttik ınstıtýtynyń qyzmet etý tájirıbeleri jóninde ǵylymı aqparat almasýǵa múmkindik týady», deıdi Fılosofııa jáne saıasattaý ınstıtýtynyń dırektory Ábdimálik Nysanbaev.