Almatyda memlekettik-jekemenshik áriptestik aıasynda taǵy 8 joba júzege asady

ALMATY. QazAqparat - Almaty máslıhaty memlekettik-jekemenshik áriptestik aıasynda júzege asatyn jobalardyń sanyn 8-ge arttyrmaq, dep habarlaıdy QazAqparat tilshisi. 

Munyń aldynda 7 joba tizimde bar edi. 

VI shaqyrylymdaǵy Almaty máslıhaty XXI sessııasynyń «Almaty qalasy boıynsha iske asyrýǵa josparlanǵan jergilikti memlekettik-jekemenshik áriptestik jobalarynyń tizbesin bekitý týraly» 2017 jylǵy 5 qyrkúıektegi №147 sheshimine ózgeris engizý jónindegi qaýly elektrondy úkimet portalynda jaryq kórdi. 

Atap aıtqanda, Almaty qalasy Dene shynyqtyrý jáne sport basqarmasy, Bilim basqarmasy, Jolaýshylar kóligi jáne avtomobıl joldary basqarmasy, Tabıǵı resýrstar jáne tabıǵatty paıdalanýdy retteý basqarmasy, Energetıka jáne kommýnaldyq sharýashylyq basqarmasy, Jolaýshylar kóligi jáne avtomobıl joldary basqarmasy, Densaýlyq saqtaý basqarmasy, Ekonomıka jáne bıýdjettik josparlaý basqarmasyna myna jobalardy tizimge engizýge ótinish bildirdi:

1. Velosıpedshilerdi daıyndaı otyryp, velotrekti basqarý

2. №2 Mamandandyrylǵan olımpıada rezervindegi balalar-jasóspirimder mektebi» («Spýtnık») memlekettik qazynalyq kommýnaldyq kásipornynyń múliktik keshenin basqarý

3. Mektepter janyndaǵy dene shynyqtyrý- sport aımaqtarynyń múliktik keshenin basqarý

4. Qoǵamdyq kólikti dıspetcherleý

5. Almaty qalasynda qatty-turmystyq qaldyqtardy basqarýdyń keshendi júıesin engizý

6. Almaty qalasynyń jekemenshik balabaqshalarynda mektepke deıingi tárbıeni jáne oqytýdy uıymdastyrý

7. Almaty qalasynyń kóshe-jol jelilerin aǵymdyq jóndeýden ótkizý

8. Almaty qalasynyń aýmaǵyn kógaldandyrý

9. Almaty qalasynda kóshe jaryqtaryn jańǵyrtý

10. Almaty qalasynda jaıaý joldardy, aıaldama qaptaldaryn jáne alańdardy ortasha jóndeý

11. Almaty qalasynyń № 5 klınıkalyq aýrýhanasynyń múliktik keshenin qaıta jańalaý jáne paıdalaný

12. Almaty qalasy bilim berý mekemelerinde qaýipsizdiktiń keshendi júıesin jabdyqtaýdy ornatý jáne tehnıkalyq servıstik qyzmet kórsetý

13. Almaty qalasynda jeńil relsti kólik (júrdek tramvaı) jelileriniń qurylysy, paıdalaný, qyzmet kórsetý

14. «Almaty Arena» jáne «Halyq arena» kópfýnktsıonaldy keshenderdi basqarýdy uıymdastyrý

15. Almaty qalasynda mektepter janyndaǵy dene shynyqtyrý-sport aımaqtarynyń múliktik keshenin basqarý.

Atalǵan jobalar 15 qazanǵa deıin qoǵam talqylaýynda bolady.