Almatyda memlekettik jastar saıasaty talqylanýda

 ALMATY. Jeltoqsannyń 10-y. QazAqparat /Erlik Erjanuly/ -  Búgin Almatyda Saıası sheshimder ınstıtýty klýbynda "Memlekettik jastar saıasaty: tıimdi adam kapıtaly nemese júzege asyrylmaǵan múmkindikter" dep atalatyn alqaly jıyn ótip jatyr,

 dep habarlaıdy QazAqparat.

   "2008 jyldyń mamyr aıynda ótken jastar forýmynda Elbasy  2010-2014 jyldarǵa arnalǵan jastar saıasatyn júzege asyrýǵa  keshendi memlekettik baǵdarlama  jasaý úshin QR Prezıdenti janynda Jastar saıasaty keńesin qurý ıdeıasyn kótergen bolatyn. Qazir Qazaqstandaǵy jastar saıasatynyń nátıjeliligi men tıimdiligin arttyrý kókeıkesti másele. Birqatar sarapshylar  bilim berý deńgeıiniń tómendegenin,  qundylyq baǵdarlarynyń daǵdarysyn jáne  olardyń múmkindikteriniń júzege asyrylmaýyn atap kórsetip otyr. Olar buǵan,  sondaı-aq  jastar saıasatyn júzege asyratyn jaýapty memlekettik organdar jumysynyń álsizdigi, qabyldanǵan sharalardyń dekaratıvtik sıpaty, ony uıymdastyrýdyń jobalaý ádisi men júıesizdigin de qosýda", deıdi Saıası sheshimder ınstıtýty klýbynyń qoǵammen baılanys jónindegi mamany Almas Sadyqov. Onyń aıtýynsha, bul sharaǵa  áleýmettanýshylar, pedagogtar, jas mamandar men ǵalymdar, memlekettik qurylymdardyń ókilderi jáne resmı jáne beıresmı jastar uıymdarynyń ókilderi qatysýda. Olar:  Jastar saıasaty qalaı júzege asyrylyp jatyr? El turǵyndarynyń úshten birin jastar quraıtyn el bolashaǵy búgin qanshalyqty qorǵalǵan? Áleýmettik-ekonomıkalyq, quqyqtyq, uıymdastyrýshylyq talaptar jastardyń rýhanı, mádenı, bilim berý, kásibı jáne  dene shynyqtyrýyn damytyp, áleýetin asha ma?, degen saýaldarǵa jaýap izdestirýde.