Almatyda "Memlekettik tildi qoldaý" aktsııasy ótedi
ALMATY. Qyrkúıektiń 15-i. QazAqparat /Erlik Erjanuly/ - Almatyda qyrkúıektiń 19-y kúni qazaq tiliniń memlekettik mártebe ıelenýiniń 21 jyldyǵyna oraı «Memlekettik tildi qoldaý" aktsııasy ótkiziledi, dep habarlaıdy QazAqparat.
Ony respýblıkamyzdaǵy partııalar, qoǵamdyq qozǵalystar men jastar uıymdarynyń jáne zııaly qaýym ókilderiniń basyn biriktiretin «Táýelsizdikti qorǵaý» demokratııalyq qozǵalysy uıymdastyryp otyr. Qazaqtyń Sanjar Asfandııarov atyndaǵy ulttyq medıtsınalyq ýnıversıtetiniń Kongress-hollynda bolatyn bul sharany qoldaýǵa «Mýzart», «Seriler», «Jebe», «Jasyn», «Ulytaý», «Do-Major» toptary men belgili óner sheberleri qatyspaq. Jalpy. qazaq tili memlekettik til mártebesin Qazaqstan Respýblıkasy táýelsizdikke qol jetkizbeı turǵan shaqta, ıaǵnı, 1989 jyldyń 22-shi qyrkúıeginde ıelengen bolatyn. Uıymdastyrýshylar bul aktsııa kezinde 21 jylda Qazaqstan halqyn biriktiretin, olardyń basyn qosatyn negizgi faktorǵa tolyq aınala almaı otyrǵan memlekettik til máselesi jan-jaqty talqyǵa túsedi dep josparlap otyr.
