Almatyda memlekettik til saıasatyn júzege asyrý úshin barlyq jaǵdaılar jasalǵan - A.Esimov
ALMATY. 21qyrkúıek. QazAqparat - Almatyda memlekettik til saıasatyn júzege asyrý úshin barlyq jaǵdaılar jasalǵan. Ol úshin jetkilikti qarajattar bólinýde.
Bul týraly búgin Almatyda Qazaqstan halyqtarynyń tilderi kúnine arnalǵan «Ana tilim - ardaǵym» festıvalinde ońtústik astananyń ákimi Ahmetjan Esimov málimdedi.
«Jergilikti atqarý organdarynda qujattardy memlekettik tilde júrgizý jyl saıyn ósýde. Eger 2006 jyly bul kórsetkish 36 paıyzdy qurasa, qazir ol 83 paıyzǵa deıin kóterildi. Qala turǵyndarynyń 90 paıyzy memlekettik tildi bilýdi ózderiniń mindeti dep sanaıdy. Jaqyn jyldary bul kórsetkishtiń bes paıyzǵa kóteriletinine úmittenemin», - dep qosyp ótti A.Esimov. Ol sondaı-aq memlekettik tildi bilýdiń irgetastary balabaqshalar men mektepterde qalanatynyn atap kórsetti.
