Almatyda "Memlekettik til - dostyqtyń kepili" festıvali ótýde
ALMATY. 5 qarasha. QazAqparat /Erlik Erjanuly/ - Memlekettik tildiń qoldan aıasyn keńeıtý qazaqtyń salt-dástúrin nasıhattaýmen qatar júrýi tıis. Bul týraly búgin Almaty tehnologııalyq ýnıversıtetinde ótip jatqan "Memlekettik til - dostyqtyń kepili" festıvalinde aıtyldy.
"Bul ýnıversıtettiń "Qazaq tili" qoǵamy men "Memlekettik jáne shet tilder kafedrasynyń" jyl saıyn ótetin dástúrli sharasy. Baıqaý túrinde 2005 jyldan beri ótip kele jatqan festıvaldiń basty maqsaty - qazaqtyń tilin dostyqtyń dánekerine aınaldyrý jáne ortamyzda júrgen ózge ult pen ulys ókilderin memlekettik tildi úırenýge yntalandyrý", -deıdi Almaty tehnologıylyq ýnıversıtetiniń tárbıe isi jónindegi prorektory Qaltaı Seıituly.
Onyń aıtýynsha, bilim men tárbıe - egiz uǵym. Olardy bir-birinen bólip jarýǵa bolmaıdy. Jalpy qazirgi tańda Almaty tehnologııa ýnıversıtetinde 50-den astam ózge ulys ókilderiniń 1,5 myń stýdenti blim alyp jatyr. Festıvalǵa ekonomıka; taǵam óndirisi; jeńil ónerkásip pen dızaın; ınjenerlik jáne aqparattyq tehnologııa fakýltetteri men ýnıversıtet janyndaǵy tehnologııa jáne ekonomıka kolledjinen 5 komanda qatysýda.
"Memlekettik tildiń qoldaný aıasyn keńeıtýge arnalǵan kez-kelgen sharany uıymdastyrý kezinde onyń tárbıelik mánin esten shyǵarmaý kerek. Máselen "Memlekettik til - dostyqtyń dánekeri" festıvalinde maqal-mátel men salt-dástúr saıysy bar. Mysaly qazir etti besbarmaq deıtinder aramyzda az emes. Etten jasalatyn taǵamnyń túri kóp. Olardyń árbiriniń óz ataýy bar. Muny jastarǵa túsindirýde osyndaı baıqaýlardyń mańyzy erekshe", - deıdi Q.Seıituly.
