Almatyda memlekettik rámizder kúnine oraı velosherý ótti
ALMATY. QazAqparat - Memlekettik tý ustaǵan 30 veloshabandoz Almatynyń basty kóshelerimen júrip ótti, dep habarlaıdy QazAqparat tilshisi.
Almaty veloshabandozdary QR memlekettik rámizder kúnine arnalǵan aktsııany aıaqtady. Otyz sportshy elimizdiń týyn jelbiretip, qalanyń basty kóshelerimen júrip ótti.
Aktsııany megapolıstiń belsendi jastary, sportshylar, eriktiler men oqýshylar qoldady.
Aıta keteıik, mundaı velojarys dástúr boıynsha jyl saıyn ótedi. Osylaısha veloshabandozdar azamattardyń nazaryn elimizdiń memlekettik rámizderine aýdardy.
Qatysýshylar B. Momyshuly – Móńke bı kósheleriniń qıylysynan bastap, «Almaty Arena» sport kesheni ǵımaratynyń aldynda márege jetti.
Bul jerde olar QR Ánurany men «Kók týdyń jelbiregeni» patrıottyq ánin shyrqady.
Velosherýge Alataý aýdany ákiminiń orynbasary Bektas Sábıtov qatysty.
«Jyl saıyn ótetin velojarysty sportshylar men Almaty jastary qoldaıdy. Rasynda, memlekettik rámizder elimizdiń jeńisi ári jetistikterimen tyǵyz baılanysty. Sondyqtan bizdiń memlekettik rámizder álemdegi iri sporttyq is-sharalarda erekshe kózge túsedi. Bizdiń otandyq chempıondarymyz olımpıadalar men álemdik jarystarda elimizdiń Týyn maqtanyshpen jelbiretip júr», – dedi ol.
