Almatyda Memlekettik rámizder kúnine oraı dóńgelek ústel ótti

ALMATY. QazAqparat – Almatydaǵy Dostyq úıinde «Táýelsizdik nyshandary» atty dóńgelek ústel ótti, dep habarlaıdy QazAqparat tilshisi.

Dóńgelek ústelge qatysýshy, Almaty qalasy máslıhatynyń depýtaty QHA qalasynyń qoǵamdyq kelisim keńesiniń múshesi ıÝrıı Shınniń aıtýynsha, búgingi merekeniń mártebesi bıik.

«Búgin biz QR Memlekettik rámizder kúnin atap ótýge jınaldyq. Bul meıramnyń bizdiń memleket úshin mańyzy joǵary. Etnomádenı birlestikter «Meniń týym – Qazaqstan Týy» degen jańa chellendj bastady. Qazaqstan – kópultty memleket. Sondyqtan ár etnos Qazaqstan Týyn óziniń tól týy dep sanaıdy»,- dedi ıÝrıı Shın.

Shara barysynda barlyq qatysýshylar QR rámizderiniń tarıhyna toqtaldy.

«Osydan týra 29 jyl buryn, ıaǵnı 1992 jyly 4 maýsymda elimizdiń Tuńǵysh Prezıdenti – Elbasy Nursultan Ábishuly Nazarbaev táýelsiz Qazaqstannyń memlekettik rámizderi – Qazaqstan Respýblıkasynyń Týy men Eltańbasyn bekitti. Biz Qazaqstan degen kópultty elde turamyz jáne biz úshin ortaq merekeni atap ótý mańyzdy. Biz árbir óskeleń urpaqty patrıottyq sezimge tárbıelep, ósirýmiz kerek.Tárbıe dástúrli túrde júrgizilýi kerek. Biz qolda bardy baǵalaýymyz qajet», - dedi «DATUB» Túrik-Ahyska dúnıejúzilik odaǵy tóraǵasynyń orynbasary Rasýl Ahmetov.