Almatyda memlekettik qyzmettiń 95% elektrondyq formatta usynyldy

ALMATY. QazAqparat - Jyl basynan beri Almatydaǵy memlekettik qyzmetterdiń 95 paıyzy elektrondy formatta kórsetildi, dep habarlaıdy QazAqparat tilshisi.

«Elimiz boıynsha Almaty tsıfrlyq saýattylyqtyń eń joǵary deńgeıin kórsetip tur. Búginde 82%-dy qurady. Almaty - BUU-nyń azamattarǵa arnalǵan onlaın-servısterdi damytý reıtıngine engen Ortalyq Azııadaǵy jalǵyz qala. 9 aıdyń ishinde memlekettik qyzmetterdiń 95% elektrondy formatta kórsetildi», - dedi Almaty qalasynyń ákimi Baqytjan Saǵyntaev «Adaldyq alańy: sybaılas jemqorlyqqa qarsy qoǵam men memlekettiń ózara is-qımylynyń jańa formaty» forýmynda.

Forýmǵa QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, BUU Jahandyq kommýnıkatsııalar departamentiniń ókilderi qatysyp jatyr.