Almatyda memlekettik qyzmetkerge para bergen kásipker sottaldy
ALMATY. QazAqparat - Almatyda memlekettik kiris basqarmasynyń qyzmetkerine 100 myń teńge kóleminde para bermek bolǵan kásipker endi memleketke 30 ese artyq aqsha tóleıtin boldy. Bul týraly qalalyq sottyń baspasóz qyzmeti habarlady.
Bostandyq aýdandyq ІІB qyzmetkerleri tekserý barysynda «Jýnısbekova BJ» JK qojaıyny 8 shısha syrany lıtsenzııasyz saýdalaǵany anyqtaldy. Sondaı-aq, kassadaǵy aqsha kassa apparatyndaǵy somadan 277,8 myń teńgege artyq bolyp shyqqan.
Kásipker ákimshilik materıal toltyrmas úshin memlekettik qyzmetkerge 100 myń teńge kóleminde para usynǵan. Aqshadan bas tartqan MKB qyzmetkeri Almatydaǵy sybaılas jemqorlyqqa qarsy kúres qyzmetine habarlaǵan. Birikken operatsııanyń arqasynda B.Júnisova ustaldy.
Bostandyq aýdanynyń №2 soty ony QR QK 367-baby boıynsha aıypty dep taýyp, 3 mln teńge kóleminde aıyppul saldy.
Sot kásipkerdiń aıybyn moıyndaǵanyn jáne kámelettik jasqa tolmaǵan eki balasy baryn eskerdi.
