Almatyda Memlekettik kirister departamentiniń qyzmetkerlerine qatysty 29 is tirkelgen

ALMATY. QazAqparat - Almatyda Memlekettik kirister departamentiniń laýazymdy tulǵalaryna qarsy 29 is tirkelgen. Bul týraly qalalyq Memlekettik kirister departamentinde ótken jıyn barysynda aıtyldy, dep habarlaıdy QazAqparat tilshisi.

Departament usynǵan derekke súıensek, bıyl departamenttiń laýazymdy tulǵalaryna qatysty 29 sotqa deıingi is tirkelgen. Bul ótken jylǵymen salystyrǵanda 8 paıyzǵa artyq. Byltyr bul ýaqytta tirkelgen isterdiń sany 26 bolǵan edi.

Departamenttiń ishki qaýipsizdik basqarmasy 7 is qozǵasa, basqa quqyq qorǵaý organdarymen birige otyryp 11 is qozǵalǵan.

Sonymen qatar, departament qyzmetkerlerine para berýge qatysty 5 is qozǵaldy. Olardyń 9-y (5-salyq qyzmeti, 4 - keden qyzmeti) qylmystyq is sanatyna jatady.

Jıyn barysynda departamenttiń 3 qyzmetkeriniń kásipkerdi bopsalap, 10 myń AQSh dollary kólemindegi aqshasyn tartyp alǵany týraly aıtyldy.

Basqosýda osyndaı quqyqbuzýshylyqty boldyrmaý talqyǵa salyndy.