Almatyda memlekettik kirister departamentiniń bas mamany paramen ustaldy

ALMATY. QazAqparat - Almaty qalasy memlekettik kirister departamentiniń Túrksib aýdany boıynsha kirister basqarmasynyń bas mamany paramen ustaldy. Bul týraly QazAqparat Sybaılas jemqorlyqqa qarsy is-qımyl agenttigine silteme jasap habarlaıdy.

Vedomstvonyń málimetine sáıkes, Almaty qalasynyń Túrksib aýdandyq sotynyń úkimimen Almaty qalasy Memlekettik kirister departamentiniń Túrksib aýdany boıynsha kirister basqarmasynyń bas mamany N.Qarabalaev para alýda kózdelgen qylmysty jasaǵany úshin kináli dep tanyldy. Bas maman jeke kásipker (1-shi toptaǵy múgedek) men «Z» qoǵamynyń basshysynan JK shotynan arestty alyp tastaýmen arnaıy salyq rejımin qaldyrǵany úshin 260 myń teńge somasynda para alǵan.

«N.Qarabalaevqa memlekettik qyzmette qyzmet atqarý quqyǵynan ómir boıyna aıyra otyryp, 7,8 mln teńge kóleminde aıyppul salyndy», - dedi departament.

Eske salaıyq, buǵan deıin Qostanaı oblystyq sotynyń sýdıasy iri kólemde para alý kezinde ustalǵanyn habarlaǵanbyz.