Almatyda memleketik kirister departamentiniń bas mamany paramen ustaldy
ALMATY. QazAqparat - Almatyda Memleketik kirister departamentiniń bas mamany para alǵany úshin qamaýǵa alyndy, dep habarlaıdy QazAqparat tilshisi.
Departamenttiń baspasóz qyzmetiniń habarlaýynsha, Áýezov aýdandyq memlekettik kirister basqarmasynyń aqparat qabyldaý jáne óńdeý ortalyǵynyń bas mamany 470 myń teńge kóleminde para alǵan. Ol úshin bas maman para bergen adamǵa kólik salyǵy tólengeni týraly jalǵan anyqtama berýi tıis bolatyn.
«Bul qyzmetker salyq tóleýshiniń bereshegi bar ekendigin bilgen. Óıtkeni, qozǵaltqyshynyń kólemi úlken kólikterge salyq tólenýin qadaǵalaý ol kisiniń tikeleı mindeti. Keıin bul anyqtamamen salyq tóleýshi Arnaıy HQKO-ǵa baryp, kólik salyǵy tólengenin aıtqan», - dedi baspasóz qyzmetinen.
Tergeý jumystary barysynda onyń eki sybaılasy tabyldy. Bul azamattar kinásin moıyndady.
Bolashaqta mundaı olqylyqtar bolmas úshin departamentte arnaıy komıssııa quryldy.
Qazir kúdikti qamaýǵa alyndy.
