Almatyda memleket jáne qoǵam qaıratkeri D. Qonaevty eske alý kúni ótti
ALMATY. Tamyzdyń 23-i. QazAqparat /Názıra Eleýhan/- Elimizdiń aıtýly azamaty, memleket jáne qoǵam qaıratkeri Dinmuhamed Ahmetuly Qonaevtyń qaıtys bolǵanyna 17 jyl tolýyna oraı, Almatyda birneshe shara ótti,
dep habarlaıdy QazAqparat.
Sharany uıymdastyrýshylar D. Qonaev murajaı úıi men Almaty qalasynyń mádenıet basqarmasy.
Eske alý kúninde Keńsaıdaǵy D. Qonaevtyń zıraty basynda quran baǵyshtalyp, qalada uly tulǵanyń músinine gúl shoqtaryn qoıý rásimi ótti. Budan soń eske alý rásimi D. Qonaevtyń murajaı úıinde ótetin sharalarmen jalǵasty.
Onda 100-den asa fotosýret men 50-ge jýyq tarıhı syrǵa toly jańa jádigerler qoıylǵan. Sonymen qatar, kelýshilerge «50 jyl El aǵasy» atty ekskýrsııa júrgizilip, «D.A.Qonaevtyń 80 jyldyǵynda» atty derekti fılm men bıyl jaryqqa shyqqan jańa kitaptardyń tanystyrylymy boldy. Sharanyń sońynda «Biz Qonaevty bilemiz be?» atty vıktorınalyq suraq-jaýap uıymdastyrylyp, ár kelýshige estelik kitaptar syıǵa tartyldy.
