Almatyda memleket qajettiligine jerlerdi qaıtarýmen aınalysatyn mekeme ashylady

ALMATY. QazAqparat – Almatyda memlekettik qajettilikke jer ýchaskelerin alýmen aınalysatyn kásiporyn ashylady, dep habarlaıdy QazAqparat tilshisi.

Qazir ákimdikte 21 iri joba júzege asyp jatyr. Bul jobalar júzege asý úshin kóp nysandar súriletin bolady.

«Búginde bizde 600-700 ýchaske kúrelýi tıis. Bul qyrýar jumys bolmaq. Muny tek bir ǵana basqara tyndyra almaıdy. Bolashaqta bul jumystyń tyńǵylyqty ári merziminde oryndalýy úshin arnaıy kásiporyn ashýdy usynyp otyrmyz», - dedi qalalyq Jer qatynastary basqarmasynyń basshysy Ardaq Samambetov.

Onyń aıtýynsha, Almaty qalasynyń jańa mártebesi týraly zań da osyǵan múmkindik berip otyr.

«Almaty aglomeratsııasyn damytý – 2050» baǵdarlamasyn, «Almaty-2050» baǵdarlamasyn júzege asyrý maqsatynda keshendi jasalyp jatyr. Bul josparǵa sáıkes qalanyń shetki aýdandaryn damytý kózdelgen. Qazir bizde 21 joba qolǵa alynyp jatyr. Al bul jobalardy júzege asyrý úshin 600-700 jer ýchaskesi memleket qajettiligine alynýy kerek. Ár múlik ıesimen sapaly jumys júrgizý úshin bir ǵana basqarmanyń kúshi jetpeıdi. Bul - úlken áleýmettik másele. Kóp jaǵdaıda bul adamdardyń jalǵyz baspanasy bolyp jatyr», - dedi basqarma basshysy.