Almatyda memleket qajettiligi úshin 105 jer telimi satyp alyndy

ALMATY. QazAqparat - Almatyda osy jyldyń birinshi jartyjyldyǵynda memleket qajettiligi úshin 105 jer ýchaskesi alyndy. Bul týraly Óńirlik kommýnıkatsııalar qyzmetiniń onlaın brıfıngisi barysynda qalalyq jer qatynastary basqarmasynyń basshysy Ardaq Samambetov málim etti, dep habarlaıdy QazAqparat tilshisi.

«Memleket muqtajy úshin qoǵamdyq mańyzy bar jobalardy júzege asyrý maqsatynda 105 jer telimi alyndy. Mysaly, Abaı dańǵylyn ıAssaýı kóshesinen qala shekarasyna deıin uzartý úshin, sondaı-aq Rysqulov dańǵyly men Emtsov kóshesiniń qıylysynda jol aıryǵyn salý úshin jer telimderdi satyp alý aıaqtaldy», - deıdi spıker.

Sonymen qatar, Almaty qalasyn damytýdyń Bas josparyna sáıkes, shaǵyn aýdanda jol salý úshin ál-Farabı dańǵylynyń boıyndaǵy (Vıtebskaıa kóshesiniń qıylysy) jer telimderi satyp alyndy.

«Budan bólek, jyl basynan beri Almaty qalasynyń jer qatynastary basqarmasy energetıka, densaýlyq saqtaý, balabaqsha, sport jáne basqa da nysandar qurylysy úshin 58 jer telimin berdi»,- deıdi basqarma basshysy.