Almatyda memqyzmetterdi tsıfrlandyrý aýqymy artady

ALMATY. QazAqparat – Almatyda barlyq memqyzmetter tsıfrlandyrylady, bul týraly ákimdiktiń baspasóz ortalyǵynda ótken brıfıngte Tsıfrlandyrý basqarmasynyń basshysy Baıan Qońyrbaev aıtty, dep habarlaıdy QazAqparat tilshisi.

Baıan Qońyrbaevtyń aıtýynsha, qalalyqtarǵa aqparattyq júıeniń qoljetimdiligin barynsha jeńildetý jáne qalanyń barlyq tynys-tirshiliginiń biryńǵaı bazasyn jasaý. Tsıfrlandyrý memlekettik organdardyń ashyqtyq jáne turǵyndardyń habarlaný deńgeıin arttyrady.

«Qazirgi kezde biz qalanyń barlyq nysandaryna monıtorıng júrgizemiz, sol arqyly jol jóndeý, ınfraqurylymdyq jelilerdi tartý, mektepterdiń, bala baqshalardyń, aýrýhanalardyń shoǵyrlanýy jáne basqalary boıynsha kórsetilgen servıstik jumystardy bilip otyramyz. Endi bul baǵytty odan ári jetildirip, onyń operatsııalyq damý protsesine qala turǵyndaryn keńinen tartý úshin birqatar sharalardy júzege asyramyz», - dedi Baıan Qońyrbaev.

Tsıfrlandyrý basqarmasynda birneshe bólimder bolady, olar: jobalaýdy basqarý, protsestik damý jáne ózgeristerdi basqarý, málimetterdi basqarý.

Sonymen qatar, stýdentter men túlekterdi tsıfrlandyrý protsesine tartý úshin tehnıkalyq ýnıversıtetter jáne kásibı kolledjdermen yntymaqtastyq ornatý kózdelgen.