Almatyda membaǵdarlamamen úı alyp beremin dep turǵyndardy aldaǵan alaıaq ustaldy
ALMATY. QazAqparat – 29 jastaǵy Almaty turǵyny adamdarǵa memlekettik baǵdarlamamen arzan ári tez úı alyp beremin dep aldaǵan, dep habarlaıdy QazAqparat tilshisi.
Bul qyzmeti úshin ol 1,5 myń AQSh dollaryn suraǵan.
Qazir kúdiktige qatysty 20 shaqty epızodtyń basy ashyldy.
«Ózin ıpotekalyq kompanııalardyń biriniń ókilimin dep tanystyrǵan er adam memlekettik baspanaǵa kezekti jyljytyp beremin dep ýáde etken. Oǵan sengen adamdar baýyrlary men tanystaryn ákelgen. Kórsetken qyzmeti úshin ár adamnan 750 myń teńgeden kem emes aqsha alǵan. Aldanǵandar baspanaǵa qol jetkize almady.
Qazir ýaqytsha oqshaýlaý ornyna qamaldy. Oǵan qatysty QR QK 190- baby boıynsha (Alaıaqtyq) is qozǵaldy. Osy adamnyń is áreketinen zardap shekken adamdar bolsa 254-48-02; 254-48-09 nómirlerine habarlasýlaryna bolady», – dedi Medeý aýdandyq basqarmasynyń basshysy Dáýren Ýtebaev.
