Almatyda membaǵdarlama aıasynda kóppáterli turǵyn úıdi jóndeýge bolady
«Ortaq múlikti kútip ustaý páterler men turǵyn emes úı-jaılardyń ıelerine júkteledi. Lıft jabdyqtaryn aýystyrý jınaq shotyndaǵy qarajat esebinen júzege asyrylýy múmkin. Eger shotta jóndeý jumystaryn júrgizýge qarajat jetkiliksiz bolsa, úı ıeleri «Nurly jer» kóppáterli turǵyn úıdi jańǵyrtýdyń memlekettik baǵdarlamasyna qatysa alady. Baǵdarlama boıynsha qarajat jergilikti bıýdjetten 8 jyldan 15 jylǵa deıin óteý merzimimen paıyzsyz bólip tóleý arqyly beriledi.
Alaıda, baǵdarlamaǵa qatysý úshin jıynda qabyldanǵan páterlerdiń, turǵyn emes úı-jaılardyń menshik ıeleriniń jalpy sanynyń úshten ekisinen astamynyń kelisimi qajet. Oń sheshim qabyldaǵan soń, qyzmetti basqarý organy barlyq rastaýshy materıaldarmen qosa, Gogol kóshesi, 45 mekenjaıy boıynsha ornalasqan «Almaty Turǵyn úı» JShS operatoryna hat jiberýi kerek. Sondaı-aq +7 (727) 390-22-09, +7 (702) 000-64-45 telefondary arqyly keńes alýǵa bolady», - delinedi basqarmanyń habarlamasynda.
Sondaı-aq vedomstvo málimetinshe, Almatyda jyl basynan beri 62 úıde 112 lıft aýystyryldy. Jyl sońyna deıin barlyǵy 350 jedelsatyny aýystyrý josparlanýda.
Aıta keteıik, «Nurly jer» - 2020-2025 jyldar aralyǵyna eseptelgen turǵyn úı-kommýnaldyq sharýashylyǵyn damytý baǵdarlamasy.
