Almatyda mektepterde oryn tapshylyǵy ósýine basty sebep ne ekeni aıtyldy
ALMATY. QazAqparat - Almatyda jańa turǵyn úılerdiń salynýynan mekteptegi oryn tapshylyǵy azaıar emes. Bul týraly óńirlik kommýnıkatsııalar qyzmeti alańynda Almatydaǵy Áýezov aýdanynyń ákimi Saıran Saıfedenov aıtty, dep habarlaıdy QazAqparat tilshisi.
«Jyl basynda №6, 121, 133 úsh mektepke japsarjaıdy paıdalanýǵa berý mekteptegi oryn tapshylyǵyn 1725 orynǵa azaıtýǵa múmkindik berdi. Alaıda, kóp qabatty 5 turǵyn úı kesheniniń qurylysynan tapshylyq búginde 3600 orynǵa deıin ósti», - dedi aýdan ákimi.
Onyń aıtýynsha, búginde bul olqylyqtyń ornyn toltyrý jumystary jalǵasýda.
«Bıyl mamyr aıynda 4 shaǵyn aýdanda 400 oryndyq «Dostyq» jeke mektebi ashyldy. 1 qyrkúıekke qaraı mektepterge japsarlas 1725 oryndyq eki qosymsha qurylys paıdalanýǵa beriledi», - dedi Saıran Saıfedenov.
Ol, sondaı-aq, keler jyly №104 mektepke 400 oryndyq japsarjaı salý, 1500 oryndyq eki jańa mektep pen jańadan salynyp jatqan City plus jáne «Belkamıt» turǵyn úı kesheni mańynan 800 oryndyq 2 balabaqsha turǵyzý josparlanǵanyn habarlady.
