Almatyda mektepter men jataqhanalardaǵy sanıtarlyq normalardyń saqtalýy tekserildi
Erjan Babaqumarov aýmaqtyq sanıtarlyq-epıdemıologııalyq baqylaý departamentiniń basshysy, megapolıstiń bas sanıtarlyq dárigeri Jandarbek Bekshınmen birge № 177, №10 mektepterdiń jáne Q. I. Sátbaev atyndaǵy Qazaq ulttyq tehnıkalyq ýnıversıtettiń № 1,4 jataqhanalary úlgisinde oqý protsesin oflaın format aıasynda uıymdastyrýda qaýipsizdik sharalarynyń saqtalýyn tekserdi.
Basty mindet – bilim berý uıymdarynda koronavırýs ınfektsııanyń taralýyn boldyrmaý úshin sanıtarlyq-epıdemıologııalyq talaptardyń saqtalýyna qatań baqylaýdy qamtamasyz etý. Jumys toby Ashyq jobasy aıasynda jumys istegende ótkizý rejıminiń saqtalýyn jáne qyzmetkerlerdiń vaktsınalaný mártebesin, jumysqa jaramdy teplovızordyń bolýyn, dezınfektsııa rejıminiń saqtalýyn, maska rejımin jáne áleýmettik qashyqtyń saqtalýyn tekserdi.
Qalanyń bas sanıtarlyq dárigeri Jandarbek Bekshın oqýshylar men stdentterdi koronavırýstan qorǵaýdyń úsh jelili júıesiniń saqtalýy mańyzdy ekenine nazar aýdardy, olar: termometr, retserkýlıator, sanıtaızer jáne jeke qorǵanys quraldaryn qoldaný.
Aıta keterligi, oqý jyly bastalǵanǵa deıin Almaty mektepterinde barlyq jaǵdaı jasaldy. Dezınfektsııalyq quraldar men maska qory bar. Sabaq kestesi bilim alýshylardyń baılanysyn barynsha azaıtý maqsatynda quryldy. №177 orta mekteptiń dırektory Tursyn Tańatov profılaktıkalyq sharalardyń mańyzdylyǵy týraly túsindirý jumystary turaqty túrde júrgizilip jatqanyn málim etti.
Mektepte 2 192 oqýshy bar, onyń ishinde 144 bala ata-analardyń ótinishi boıynsha qashyqtan bilim alyp jatyr. Mektepte oqýshylardyń úzilis kezinde bir synyptan ekinshisine aýyspaýy úshin aýdıtorııada oqý rejımi bar. Úzilis kezinde, aýysymnyń ózgerýi kezinde jáne oqý kúniniń sońynda synyptar men bólmeler jýylyp, tazartylady, aýasy jeldetiledi, tutqa, baspaldaq men tutqalar óńdeledi.
«Bizdiń oqýshylar mektepke temperatýrany ólshep, qoldaryn óńdegennen keıin kiredi, kire beriste dezınfektsııalaýshy týnnel de ornatylǵan. Ár synypta muǵalim temperatýrany ólsheıdi, málimetter arnaıy jýrnalǵa jazylady. Kire beriste adamdar toptalmaıdy, óıtkeni úsh kireberis ashyq tur»,– dedi mektep dırektory.
Stýdentter jataqhanasynda stýdentterdi ornalastyrýdy uıymdastyrý protsesi tekserildi. Jataqhana ǵımarattaryndaǵy kire beriste stýdentter Ashyq qosymshasyn qoldanady, ár qabatta dezınfektsııa quraly ornatylǵan. Jataqhanada epıdemııaǵa qarsy sharalar kesheni júrgiziledi, turǵyn jaılar únemi jeldetiledi, jataqhanada turatyndarmen baılanys barynsha azaıtyldy.
«Oqý jyly bastalǵanǵa deıin ýnıversıtet oqytýshylarynyń 73% vaktsınalandy, qalǵany medıtsınalyq qarama-qaıshylyǵy bar jáne dertten saýyqqandar. Búginde oqýshylardyń 49%-y vaktsınalanǵan. 1-31 shilde aralyǵynda vaktsınalanǵan jastar arasynda kóp syılyq oınatyldy. Startapty iske asyrý úshin 5 mıllıon teńge, jataqhanalarda aqysyz turý úshin 20 oryn, úzdik memlekettik jáne sheteldik uıymdarda taǵylymdama, 100 tegin «Qoldaý» kásipkerlik boıynsha kýrstar oınatyldy»,– dedi QazUTÝ rektory Meıram Begentaev. Almaty qalasy ákiminiń orynbasary Erjan Babaqumarov stýdentter men oqýshylardyń qaýipsizdigin qamtamasyz etý basty mindet ekenin atap ótti. Sondyqtan pedagogtar men ata-analar arasynda ujymdyq ımmýnıtetti qalyptastyrý mańyzdy.
Búginde Almatyda 895 959 adam vaktsınalandy, onyń ishinde 34 786 (100%) oqytýshy, 14 875 (70%) JOO qyzmetkeri, 57 044 (34%) stýdent. Dástúrli oqytý formaty sapaly bilim men daǵdylardy berýge múmkindik beredi. Osyǵan baılanysty mektepter men joǵary oqý oryndarynyń ákimshiligine qaýipsizdikti qamtamasyz etý jáne ınfektsııanyń taralýyn boldyrmaý sharalaryn kúsheıtý tapsyryldy.
