Almatyda mektepter men balabaqshalar qaı kezden bastap qalypty jumysqa kóshedi
ALMATY. QazAqparat – Almaty qalasynyń ákimi Baqytjan Saǵyntaev qaladaǵy bilim berý mekemeleriniń qaı ýaqyttan bastap jumysqa kirisetini týraly aıtty, dep habarlaıdy QazAqparat tilshisi.
Onyń aıtýynsha, karantınnen keıin qalanyń áleýmettik salasy kezeń-kezeńimen qalpyna keltiriletin bolady. Osylaısha, mektepke deıingi bilim berý júıesi jumysty mamyr aıynyń ortasynan bastaıdy. Mindetti túrde sanıtarlyq-epıdemıologııalyq normalar men talaptar saqtalýy tıis.
«Orta bilim berý júıesi tórtinshi toqsandy qashyqtan oqýmen aıaqtaýǵa daıyndalýda. Joǵary oqý oryndary Bilim jáne ǵylym mınıstrliginiń algorıtmi boıynsha oqytylatyn bolady»,– dedi Baqytjan Saǵyntaev.
