Almatyda mektepte atys uıymdastyrǵan buzaqy 5 jylǵa bas bostandyǵynan aıryldy
ALMATY. QazAqparat - Almaty qalasy Áýezov aýdandyq soty QR QK-niń 103-baby 2-bóligi «j» (densaýlyqqa qasaqana aýyr zııan keltirý) tarmaǵymen Kýrvanjan Babazovty kináli dep taýyp, oǵan osy bap boıynsha 5 jyl bas bostandyǵynan aıyrý jazasyn taǵaıyndady.
Bul týraly búgin brıfıng barysynda Almaty qalalyq sotynyń baspasóz hatshysy Qýandyq Eshimet aıtty. Jazasyn óteý jalpy tártiptegi túzeý kolonııasy belgilendi. Sottalǵan 15 táýlik ishinde apellıatsııalyq tártibimen shaǵym túsirýge nemese narazylyǵyn bildirýge quqyly. Esterińizge sala keteıik, oqıǵa 2013 jyldyń jeltoqsan aıynda №5 qalalyq mekteptiń dırektorlar kabınetinde bolǵan. Óziniń burynǵy áıelimen janjaldasyp qalǵan Babazov «Osa» pıstoletimen atys týdyrǵan. Oq sol jerde bolǵan A.Qurbanovtyń sol jaq shekesine tıip jaralaǵan. Osyǵan oraı Kýrvanjan Babazovqa qatysty QR QK 103 babynyń 2 tarmaǵy boıynsha (densaýlyqqa qasaqana aýyr zııan keltirý) tarmaǵymen) qylmystyq is qozǵalǵan bolatyn.
