Almatyda «Mektepke jol» aktsııasy qarqyndy júrip jatyr
Almatyda «Mektepke jol» qaıyrymdylyq aktsııasy 5 shildede bastaldy. Bul aktsııa 12 jyl qatarynan ótkizilip keledi. Almaty qalalyq bilim basqarmasynyń basshysy Gúlnár Hodjabergenova kásipkerler men metsenattardy qaıyrymdylyq aktsııasyna atsalysýǵa shaqyrdy.
«Oqý jylynyń bastalýyna az qaldy. Áleýmettik jaǵynan az qamtylǵan otbasy balalary men jetim balalarǵa barynsha qoldaý qajet. Memleket tarapynan kómek kórsetilip jatyr, desekte qaltaly azamattardyń da kómegi qajet. Qaıyrymdylyq aktsııasyna barynsha qoldaý kórsetip jatqandarǵa alǵys aıtamyz», - dedi Gúlnár Hodjabergenova.
Onyń aıtýynsha, 2018 jylǵy aktsııa «Meniń tańdaýym - balalarǵa kómek kórsetý!» uranymen ótti. Osy qaıyrymdylyq shara boıynsha 14 250 oqýshy 141,3 mln teńgeniń materıaldyq kómegin alǵan.
«Memleket basshysynyń arnaıy tapsyrysyna sáıkes, «Mektepke jol» aktsııasy jyl 12 aı jalǵasatyn bolady», - deıdi Gúlnár Hodjabergenova.
