Almatyda mektepke deıingi uıymdardyń 6 225 qyzmetkeri vaktsına aldy

ALMATY. QazAqparat – Vaktsınalaý naýqany bastalǵaly beri Almatydaǵy mektepke deıingi uıymdardyń qyzmetkerleri (medıtsınalyq kórsetilimderi bar qyzmetkerlerden basqa) 100% vaktsınalanǵan. Bul týraly Almaty óńirlik kommýnıkatsııalar qyzmeti alańynda Almaty qalasy bilim basqarmasynyń basshysy Lázzat Jylqybaeva málim etti, dep habarlaıdy QazAqparat tilshisi

Qalada búgingi kúni barlyǵy 859 balabaqsha jumys isteıdi, onyń 189-y memlekettik balabaqsha, 670-i - jeke menshik.

«Búgingi kúni Almatyda balabaqshalarǵa 71 myńnan astam bala barady, onyń 38 myńnan astamy mektepke deıingi tárbıemen qamtylǵan. Al jeke menshik balabaqshalarǵa 32 myńnan astam bala barady. Qazirgi ýaqytta mektepke deıingi uıymdar 20-25 bala boıynsha toptardyń 100 % tolymdylyǵy rejıminde jumys isteıdi, bul rette barlyq sanıtarııalyq talaptar qatań saqtalýda», - dedi Lázzat Jylqybaeva.

Onyń aıtýynsha, barlyq balabaqshalar «Ashyq» jobasyna qosylǵan jáne qajetti mólsherde dezınfektsııalyq, antıseptıkalyq quraldarmen qamtamasyz etilgen.

«Almatyda mektepke deıingi uıymdarda barlyǵy 7 099 qyzmetker bar. Onyń 6 225-i vaktsına aldy (memlekettik uıymdarda - 3 375, jeke menshik uıymdarda - 2 850), 874-de medıtsınalyq kórsetilimderi bar (342 - memlekettik uıymdar, 532 - jeke menshik uıymdarda).