Almatyda «Mektepke barar jol» aktsııasy jalǵasýda
ALMATY. Tamyzdyń 24-i. QazAqparat /Erbol Turymbetov/ - Búgin Almaty qalasynyń Bostandyq aýdany ákimdigi qaladaǵy Muqaǵalı Maqataev atyndaǵy №140-shy mektepte «Mektepke bara jol» aktsııasy aıasynda qaıyrymdylyq sharasyn ótkizdi,
dep habarlaıdy QazAqparat.
Bul shara jyl saıyn dástúrli túrde ótkizilip keledi. Sharanyń maqsaty jaǵdaıy tómen otbasylarǵa áleýmettik kómek kórsetý, balalarynyń oqýǵa degen yntasyn arttyrý.
«Aýdan boıynsha 7 aımaqtan 1500 bala áleýmettik kómekke muqtaj esebinde tizimge alyndy. Búginge deıin 500 balany oqý qural-jabdyqtarymen qamtamasyz etip úlgerdik. Bul aktsııa negizinen qyrkúıektiń aıaǵyna deıin jalǵasýy kerek bolǵan. Biraq biz oqý bastalǵan soń balalarǵa kedergi bolmasyn dep tamyzdyń 31-ne deıin bitirýdi kózdep otyrmyz», dedi Bostandyq aýdany ákiminiń orynbasary Bolat Aǵybaev.
Budan buryn aktsııa № 105 jáne №138-shi mektepterde ótkizilgen edi. Shara barysynda №22, №140, №65, №94-shi mektepterden kelgen 100 oqýshyǵa oqýǵa qajetti qural-jabdyqtar salynǵan sómkeler tabystaldy. Qaıyrymdylyq aktsııasy kelesi aptada Orbıta yqsham aýdanyndaǵy №60-shy mektepte jalǵasady dep josparlanǵan.
