Almatyda mektep túlekteri taǵy da jol erejesin buzdy
ALMATY. QazAqparat – Almatyda taǵy da bir top túlek mingen kólikter jol erejesin buzdy, dep habarlaıdy QazAqparat tilshisi.
Bul vıdeo áleýmettik jelide jarııalanǵan bolatyn. Jastar júrip bara jatqan kóliktiń terezesinen, tóbesindegi terezesinen shyǵyp alǵan. Olardyń keıbiri qarama-qarsy jolaqqa shyǵyp, dabyldaryn qosqan.
Qalalyq Polıtsııa departamentiniń baspasóz qyzmeti jol erejesin buzǵandarǵa qatysty shara qabyldaıtyndyǵyn málimdedi.
Munyń aldynda Medeý shatqalynda júrip bara jatqan kóliktiń terezesinen shyǵyp alyp jol erejesin buzǵandar QR ÁqbK birneshe baby boıynsha jaýapqa tartylǵan bolatyn.
Aıta keteıik, bıyl pandemııaǵa baılanysty Qazaqstannyń mektep bitirýshileri 3-4 maýsymda barlyq sanıtarlyq normalardy saqtap, attestat aldy.
