Almatyda mektep túlekteri kortejiniń júrgizýshileri jazalandy
ALMATY. QazAqparat – Almatyda jol erejesin buzǵan kortej júrgizýshileri birneshe bappen ákimshilik jazaǵa tartyldy, dep habarlaıdy QazAqparat tilshisi.
Bul oqıǵa Medeý aýdanynda bolǵan.
«Túlekter mingen 3 kólik Medeý shatqalyna bara jatqan jolda óreskel jol erejesin buzǵan. Júrgizýshiler ákimshilik jazaǵa tartyldy. 20 jastaǵy Toyota Land Cruiser 100 júrgizýshisi QR ÁqbK 593-babynyń 1-tarmaǵymen, 595-babynyń 1-bólimimen, 596-babynyń 2-bólimimen, 601-babynyń 1-bólimimen, 606-babynyń 1-bólimimen jazaǵa tartyldy. 42 jastaǵy «Mitsubishi Outlander» júrgizýshisi QR ÁqbK 593-babynyń 1-tarmaǵymen, 595-babynyń 1-bólimimen, 614-babynyń 1-bólimimen, 45 jastaǵy «Toyota Camry» júrgizýshisi QR ÁqbK 593-babynyń 1-tarmaǵymen, 595-babynyń 1-bólimimen, 601-babynyń 1-bólimimen ákimshilik jaýapqa tartyldy», - dedi qalalyq ákimshilik polıtsııa basqarmasynyń basshysy Jandos Muratalıev.
Osyǵan deıin túlekterdiń korteji áleýmettik jelide jarııalanǵan bolatyn.
Aıta keteıik, bıyl pandemııaǵa baılanysty Qazaqstannyń mektep bitirýshileri 3-4 maýsymda barlyq sanıtarlyq normalardy saqtap, attestat aldy.
