Almatyda mektep terezesinen qulaǵan oqýshy aýrýhanadan shyqty
ALMATY. QazAqparat – Almatyda mektep terezesinen qulap ketken birinshi synyp oqýshysy aýrýhanadan shyǵaryldy, dep habarlaıdy QazAqparat tilshisi.
«Ol endi ambýlatorlyq em qabyldaıdy», - dedi qalalyq Qoǵamdyq densaýlyq saqtaý basqarmasynan.
Eske salaıyq, oqıǵa 10 qyrkúıek kúni boldy. Birinshi synyp oqýshysy №80 mekteptiń ekinshi qabatynan qulap ketti. Oǵan «bas súıeginiń jaraqaty, mıdyń shaıqalýy, aıaǵynyń tómengi jaǵynyń eki jerden synýy» dıagnozdary qoıyldy. Keıin Almaty qalalyq Bilim basqarmasynyń bastyǵy Gúlnár Qojabergenova oqıǵaǵa qatysty túsinik berdi.
