Almatyda mektep oqýshylarynyń sany 300 myńnan asty
Búginde Almatyda 289 mektep jumys isteıdi. Sonyń ishinde 207 memlekettik jáne 82 jekemenshik.
Bilim alýshylar kontıngenti ótken jylmen salystyrǵanda 12 myńǵa artyp, 303 myńǵa jetti.
Sonymen qatar bir jyldyń ishinde jekemenshik mektepter jelisi 11 myńǵa artty.
12 600 oryndy 8 memlekettik mektep jáne jumys istep turǵan mektepterge 8263 oryndy 17 jańa korpýs qurylysy júrgizilip jatyr.
Jyl sońyna deıin 16 myń oryndy 31 bilim nysany ashylady.
166 mektepte erekshe bilim berilýine qajettiligi bar balalar úshin jaǵdaı jasalǵan (80%), 2020 jyly 157 mektep, 2019 jyly 135 mektep boldy.
Mektepterde pandemııany eskere otyryp, oqý protsesiniń qaýipsizdigin qamtamasyz etý boıynsha sharalar qabyldandy.
Oqý oryndarynda 21 myńnan astam muǵalim, 18 myńnan astam memlekettik mektep qyzmetkerleri jumys isteıdi.
Memlekettik bilim uıymdarynyń barlyq qyzmetkerleri 100% ekpe aldy.
Sonymen qatar, barlyq mektepter Ashyq jobasynyń qatysýshylary bolyp tabylady (QR-men kirý baqylaý júıesi ornatylǵan), qajetti dezınfektsııalyq jáne antıseptıkalyq quraldarmen qamtamasyz etilgen.
Dene qyzýy, kvartstaý men jeldetý rejımin ólsheý boıynsha sanıtarlyq-epıdemıologııalyq talaptar saqtalady.
Sonymen qatar, barlyq mektepterde juqtyrý qaýpiniń aldyn alý boıynsha aqparattyq jumys júrgiziledi jáne oqýshylarǵa saqtyq sharalaryn túsindirý boıynsha synyp saǵattary ótkiziledi.
Keńeste 8 arnaıy mekeme-túzetý ınternattarynyń jumysy qaraldy. Olardyń negizgi maqsaty – balanyń áleýmettik beıimdelýine kómektesý jáne ony keıinnen qoǵamǵa biriktirý.
Korrektsııalyq qoldaý defektologtarmen, logopedtermen, sýrdopedagogtarmen, tıflopedagogtarmen, psıhologtarmen jáne áleýmettik pedagogtarmen kórsetiledi.
Barlyq uıymdar arnaıy oqý baǵdarlamalarymen jáne oqýlyqtarmen tolyq kólemde qamtamasyz etilgen, ınteraktıvti taqtalarmen, sheberhanalarmen, sensorlyq jáne oıyn kabınetterimen jabdyqtalǵan.
Internattardyń materıaldyq-tehnıkalyq bazasy nyǵaıtyldy: ákimdik 1129 noýtbýk jáne 331 planshet satyp alyp, ınternattarǵa berdi.
Ár bala úshin onyń psıhofızıologııalyq erekshelikterin eskere otyryp, damý baǵdarlamasy jasaldy.
Otyrysta sondaı-aq qıyn ómirlik jaǵdaıǵa tap bolǵan balalardyń quqyǵyn qorǵaý boıynsha júrgiziletin jumystar qaraldy.
Jetim balalar men ata-anasynyń qamqorlyǵynsyz qalǵan balalardy tárbıeleý jáne oqytý úshin «Januıa» mamandandyrylǵan kesheni, «Jastar úıi» áleýmettik mekemeleriniń túlekterin beıimdeý jáne qoldaý ortalyǵy, «Ómirlik qıyn jaǵdaıda júrgen balalardy qoldaý ortalyǵy» MM, sondaı-aq densaýlyq saqtaý uıymdary (balalar úıi) jumys isteıdi.
Almatyda 29 jasqa tolmaǵan, kámeletke tolǵanǵa deıin ata-anasynan aıyrylǵan jetim balalar men ata-ana qamqorlyǵynsyz qalǵan balalarǵa 17 páter berildi.
Jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynyń túlekteri arasynda 2 JOO-ǵa oqýǵa qujat tapsyryp, 32-si kolledjge tústi.
Keńes barysynda bilim basqarmasynyń basshysy Lázzat Jylqybaeva kópbalaly analar qozǵalysynyń belsendisi Irına Kım sóz sóılep, birqatar mektep pen ınternattardyń dırektorlardyń baıandamasy tyńdaldy.
Sondaı-aq, qalalyq qoǵamdyq densaýlyq basqarmasynyń jáne aýmaqtyq sanıtarlyq-epıdemıologııalyq baqylaý departamentiniń basshylary, megapolıstiń bas memlekettik sanıtar dárigeri Jandarbek Bekshın sóz sóıledi.
Kúrdeli epıdemıologııalyq ahýal aıasynda mektepterde profılaktıkalyq medıtsınalyq tekserý júrgizý, sanıtarlyq normalardy qatań saqtaý, sondaı-aq tumaýǵa qarsy vaktsınalaý jáne COVID-19-ǵa qarsy erikti vaktsınalaý máselelerin túsindirý máseleleri kóterildi.
Qala ákiminiń orynbasary Erjan Babaqumarov jumysty kúsheıtýdi qajet etetin baǵyttardy belgiledi.
Bul - oqý protsesin uıymdastyrý, mektepterde sapaly tamaqtaný jáne jan basyna qarjylandyrý, pedagogtardy olardyń kásibı mindetterimen, pedagogterdiń fýnktsııalaryna tán emes jumys túrlerine tartýǵa jol bermeý, mektepter men balalardyń áleýmettik mekemelerinde sanepıdemıologııalyq rejımde qaýipsizdikti qamtamasyz etý, ınklıýzıvti oqytýdy uıymdastyrý jáne jumysyn rettestirý.
