Almatyda mektep oqýshylary naýryzda qalaı oqıdy

ALMATY. QazAqparat - Almaty qalalyq bilim basqarmasy oqýshylardyń aralas oqý formatyna qashan aýysatynyn aıtty, dep habarlaıdy QazAqparat tilshisi.

Basqarmadan málimdegendeı, ázirge bul jaıly buıryq shyqpaǵan.

«Epıdemıologııalyq ahýaldyń jaqsarýyna baılanysty Qazaqstanda mektepterde aralas oqý formaty engiziledi. Al Almaty boıynsha biz qalalyq bas sanıtar dárigerdiń resmı qaýlysyn kútip otyrmyz. Mektepter daıyndalyp jatyr. Jańa qaýly shyqqan jaǵdaıda 1-5 synyp oqýshylary aralas oqý formatyna kóshedi. Kezekshi synypta oqyp jatqan oqýshylar óz synybyna oralady»,- deıdi Bostandyq aýdandyq bilim bólimi basshysynyń mindetin atqarýshy Baqytbek Qaljanov.

Sonymen qatar, ata-analarǵa tańdaý erki berilgen.

Olar balalaryn mektepke jiberýge de, jibermeýge de quqyly.

«Ata-analar balalardy áleýmettik qashyqtyqty saqtaýǵa, jeke gıgıena talaptaryn saqtaýǵa úıretýi tıis», - deıdi Baqytbek Qaljanov.