Almatyda mektep oqýshylary men stýdentterge «OŃAI» kartasyn tegin berý merzimi uzartyldy
ALMATY. QazAqparat- Almatyda mektep oqýshylary men stýdentterge jeńildetilgen «OŃAI» kólik kartasyn tegin berý merzimi 2016 jyldyń 1 sáýirine deıin uzartyldy.
Bul týraly búgin «Almaty qalasynyń Kólik Holdıngi» JShS baspasóz qyzmetinen habarlady.
«Jeńildetilgen «OŃAI» kólik kartasyn alý úshin mektep oqýshylary men stýdentter ózderi oqıtyn bilim mekemesindegi jaýapty tulǵaǵa júginýleri kerek. Al jaýapty tulǵa óz kezeginde tıisti ótinimdi toltyryp, «Almaty qalasynyń Kólik Holdıngi» JShS jiberedi. Daıyndalǵan kartalar oqý oryndarynda beriledi», - delingen habarlamada.
Esterińizge sala ketelik, 2016 jyldyń 11 qańtarynan bastap, Almaty qalasynyń qoǵamdyq kólikterinde jol aqysy tek qana «OŃAI» kartasy arqyly tólenedi.
