Almatyda mektep -ınternat tárbıelenýshilerine arnalǵan jańajyldyq shyrsha uıymdastyryldy
ALMATY. 20 jeltoqsan. QazAqparat /Názıra Eleýhan/ - Búgin Almatyda QR Memlekettik Ortalyq murajaıynda «Jańajyldyq kaleıdoskop» atty qaıyrymdylyq shara uıymdastyryldy.
Ortalyq murajaı dırektory Nursan Álimbaıdyń aıtýynsha, jyl saıyn bul kúni aktsııaǵa múmkindigi shekteýli balalar, ekologııalyq qolaısyz aımaqtardyń, sal jáne onkologııalyq dertke shaldyqqan balalar, mektep-ınternattar men balalar úıiniń tárbıelenýshileri arnaıy jańajyldyq shyrshaǵa shaqyrylady.
Bıylǵy shyrshaǵa arnaıy shaqyrylǵan №17-shi mektep -ınternat tárbıelenýshilerin Aıaz Ata men Aqshaqar quttyqtady. Al sharanyń demeýshileri óz syılyqtaryn tabys etti. Balalar shyrshany aınala án aıtyp, bı bılep, ár túrli oıyndar oınap, «Ýlybka» qýyrshaq teatrynyń qoıylymdaryn tamashalady.
«Aktsııany ótkizýdegi negizgi maqsat - qoǵamdyq jáne kommertsııalyq uıymdardyń nazaryn balalar úıleri men mektep-ınternat tárbıelenýshileriniń problemalaryna aýdarý, demeýshiler men arnaıy áleýmettik mekemelerdiń arasynda tyǵyz baılanys ornatý, balalarǵa arnaıy qaıyrymdylyq is-sharalaryn uıymdastyrý arqyly kómektesý», -deıdi Ortalyq murajaı dırektory.
